Դիլմա Ռուսեֆի իմփիչմեթից հետո Վենեսուելան որոշել է սառեցնել Բրազիլիայի հետ հարաբերությունները եւ վերջնականապես հետ կանչել այդ երկրում իր դեսպանին: Ըստ ՌԻԱ Նովոստիի՝ այս մասին ասված է Վենեսուելայի ԱԳՆ-ի հաղորդագրությունում:
«Վենեսուելայի կառավարությունը, հետեւելով միջազգային իրավունքի նորմերին եւ համերաշխություն հայտնելով Բրազիլիայի ժողովրդին, որոշել է վերջնականապես հետ կանչել այդ երկրում իր դեսպանին եւ սառեցնել Բրազիլիայի կառավարության հետ քաղաքական եւ դիվանագիտական հարաբերությունները»,- ասված է հայտարարությունում:
Բրազիլիայի նախագահ Դիլմա Ռուսեֆի իմփիչմենթի օգտին քվեարկել է Սենատի 61 անդամ, դեմ է արտահայտվել 20-ը: