Ինեսա Սրապիոնյանին, որին արդեն որպես անհետ կորած երկու օր է որոնում են, վերջին անգամ ֆիքսել են Տիգրան Մեծի տեսախցիկները՝ փողոցը վազելով անցնելիս: Այս մասին այսօր՝ սեպտեմբերի 15-ին, NEWS.am-ի հետ զրույցում ասացին աղջկա հարեւանները՝ նշելով, որ 23-ամյա աղջիկը եղել է առանց հեռախոսի եւ պայուսակի:
23-ամյա Ինեսա Սրապիոնյանը ԵՊԲՀ-ի շրջանավարտ է, ՀՀԿ-ական պատգամավոր Վահրամ Բաղդասարյանի դստեր ընկերուհին, նաեւ նրա հարսնաքուրը:
Ավելի վաղ տեղեկացրել էինք, որ ոստիկանության Էրեբունու բաժնի կողմից որպես անհետ կորած որոնվում է 23-ամյա Ինեսա Սրապիոնյանը: Այս մասին NEWS.am-ը տեղեկանում է ոստիկանության մամուլի ծառայությունից:
Ինեսան Երեւան քաղաքի Տիգրան Մեծի պողոտայի բնակչուհի է, նա սեպտեմբերի 13-ին, ժամը 15.30-ին, դուրս է եկել տնից եւ չի վերադարձել:
Ինեսա Սրապիոնյանի գտնվելու վայրի վերաբերյալ տեղեկություն ունեցողները կարող են դիմել ոստիկանության Էրեբունու կամ մոտակա բաժին կամ զանգահարել 095-90-90-77, 010-45-02-02, 1-02 հեռախոսահամարներով։