Շրջանների անհուսալի ակտիվները պետք է վաճառել: Սեպտեմբերի 15-ին ԱԺ-ում այս մասին հայտարարել է կառավարությանն առընթեր Պետունեցվածքի կառավարման կոմիտեի պետ Արման Սահակյանը:
Կոմիտեն, առաջին հերթին, ջանում է պետունեցվածքը ոչ թե վաճառել, այլ արդյունավետ կառավարել: Բայց կան խնդրահարույց դեպքեր՝ շրջաններում լքված տարածքներ: Դրանք կառավարող ձեռնարկություններից հաճախ միայն տնօրեններն են մնում, որոնք աշխատավարձ են վճարում իրենք իրենց եւ գուցե պահակին:
Կոմիտեն աշխատում է այդպիսի ակտիվները վաճառել, բայց դրանք հաճախ ոչ ոք չի գնում:
«Ցուցանիշը կառավարության այսօրվա նիստն է: Մենք հայտարարեցինք մի քանի այդպիսի ակտիվների վաճառքի մասին: Նախապես մենք դրանք ներկայացրեցինք 100 տոկոս արժեքով, հետո՝ 75 տոկոս, այնուհետեւ՝ 50 տոկոս»,- հայտարարել է Սահակյանը: