Չինաստանում վաճառված երկու Galaxy Note 7 միաժամանակ պայթել է. սրանք ՉԺՀ-ում Samsung-ի սմարթֆոնների հետ կապված առաջին միջադեպերն են, հայտնում է Bloomberg-ը:
Galaxy Note 7-ի երկու պայթյուն է տեղի ունեցել կիրակի:
Միաժամանակ Samsung-ից պնդել են, որ չինական շուկայում վաճառված սմարթֆոններում չինական ATL ընկերության մարտկոցներ են օգտագործվել: Այլ երկրներում վաճառվել են սմարթֆոններ, որոնց մարտկոցները մատակարարել է ընկերության դուստր ձեռնարկություն Samsung SDI-ն:
Samsung SDI-ն Galaxy Note 7-ի համար տիրապետող մատակարար է եղել` մատակարարելով մարտկոցների մոտ 70 տոկոսը:
Սեպտեմբերի 2-ին, մի քանի տասնյակ միջադեպից հետո, երբ Samsung Galaxy Note 7-երը պայթում էին հենց լիցքավորման ընթացքում, ընկերությունը հրապարակայնորեն դրանք վտանգավոր էր ճանաչել: Samsung-ը դադարեցրել է վաճառքը եւ հայտնել, որ բոլոր սմարթֆոնները, անկախ ձեռք բերման ժամանակից եւ երկրից, անվճար կփոխարինվեն