Մարսի երկրաշարժերը պետք է բավարար քանակով ջրածին առաջացնեն, որպեսզի Կարմիր մոլորակի խորքերում կարողանան գոյատեւել մանրէների տեսքով կենսաձեւեր, որոնք կարող են սնվել այդ գազով, հայտնում է «ՌԻԱ Նովոստի»-ն:
Գիտնականները Մարսին վերաբերող այսպիսի անսպասելի եզրակացության են հանգել Երկրի ընդերքում՝ տեկտոնական բեկվածքների շրջակայքում, որտեղ սեյսմիկ ակտիվություն է դիտվել, առաջացող հեղուկների քիմիական բաղադրությունը հետազոտելիս, ինչպես նաեւ աստղակերպերի եւ երկնաքարերի անկման արդյունքում:
Գիտնականները նշել են, որ համանման պրոցեսները հանգեցնում են երկու արտասովոր լեռնապարների առաջացման՝ կեղծ տախիլիտների եւ կատակլազիտների, որոնք իրենց կառուցվածքով նման են ապակենման «շերտավոր կարկանդակի», որոնց շերտերն առաջացել են ապարների ուժգին սեղմման եւ շփման ժամանակ միաձուլման հետեւանքով: Վերջերս երկրաբանները պարզել են, որ այդ «կարկանդակի» որոշ շերտերում մեծ քանակությամբ հեղուկ է պարունակվում:
Մարսի ընդերքում ընթացող այդպիսի պրոցեսները կարող են ստեղծել Կարմիր մոլորակում կենսաձեւերի առաջացման առավել բարենպաստ պայմաններ: Ներկայումս Մարսի վրա երկրաբանական պրոցեսները բացակայում են, սակայն մոլորակի վրա երկրաշարժեր, այնուամենայվիվ, կարող են տեղի ունենալ ընդերքի սառելու եւ սեղմվելու հետեւանքով:
