Սիրիայում հրադադարի շուրջ ռուս-ամերիկյան համաձայնությունը «չափազանց փխրուն է», բայց այն սիրիական ճգնաժամի կարգավորման «միակ հիմքն է»: RFI-ի հաղորդմամբ՝ Նյու Յորքում նման հայտարարությամբ է հանդես եկել Ֆրանսիայի ԱԳ նախարար Ժան-Մարկ Էյրոն:
«Թել կա, թեկուզ եւ նեղ, որը հարկավոր է քաշել՝ հրադադարի հասնելու, մարդասիրական օգնության տրամադրման մատչելիություն ապահովելու եւ քաղաքական բանակցությունները վերականգնելու համար: Ֆրանսիայի անունից մտադիր եմ առաջարկել հրադադարին հետեւելու արդյունավետ մեխանիզմ ստեղծել»,- ֆրանսիացի պաշտոնյայի խոսքերն է մեջբերում AFP-ն:
