Հայ ազգային կոնգրեսը ցանկություն չունի Անկախության օրը նշել այն քաղաքական ուժերի հետ, որոնք իրականում դեմ են Հայաստանի անկախությանը: Այս մասին սեպտեմբերի 20-ին մամուլի ասուլիսի ժամանակ ասել է ՀԱԿ խմբակցության քարտուղար Արամ Մանուկյանը
Անդրադառնալով այն հարցին, որ Հայաստանի Հանրային խորհուրդը որոշում է կայացրել Անկախության օրը միասին նշելու կոչով դիմել երեք նախագահներին (երկու նախկին ու մեր գործող) եւ արդյոք առաջին նախագահ, ՀԱԿ առաջնորդ Լեւոն Տեր Պետրոսյանը կաջակցի այս նախաձեռնությանը՝ Արամ Մանուկյանը նշեց . «Մեր կուսակցության պատգամավորները հրավիրված են, բայց չեն մասնակցի: Լեւոն Տեր- Պետրոսյանը չի մասնակցի դրան: Մենք միշտ առանձին ենք նշել՝ այն քաղաքական ուժերի ու անձանց հետ, որոնք ավադ են ներդրել, որոնք պայքարել են մեր անկախության համար: Իսկ գործող իշխանությունները ներկայացված են այնպիսի քաղաքական ուժերով, որոնք ոչնչացնում են անկախությունը, հարվածում մեր ժողովրդի արժանապատվությանը»:
