Ստամբուլում կալանավորել են տղամարդուն այն բանից հետո, երբ նա հարվածել է կիսատաբատ հագած կնոջ դեմքին, գրում է Hürriyet Daily News–ը:

Միջադեպը տեղի է ունեցել սեպտեմբերի 12-ին ավտոբուսում: Նախկին անվտանգության աշխատակից Աբդուլլա Չաքիրօղլուն խոստովանել է իր արածը՝ ասելով որ 23-ամյա աղջիկը հագնված էր ավանդույթներին ոչ համապատասխան: «Ես ծեծում եմ այն մարդկանց, ում տեսքը ինձ դուր չի գալիս: Պետությունը պետք է պատժի նրանց, ովքեր այդպես են հանգնվում»,- ասել է նա ցուցմունքներ տալու ժամանակ: Երբ կկայանա այդ գործով լսումը՝ հայտնի չէ:

Չաքիրօղլուն մեղադրել են անհանդուրժողականություն սերմանելու մեջ: Իրավապահ մարմինների տեղեկություններով նա տառապում է հոգեկան խանգարումով ու արդեն մի քանի անգամ խախտել է բուժման ռեժիմը: Պարբերականը հայտնել է, որ թուրքական հասարակությունը աղջկան աջակցություն է հայտնել: Այդուհանդերձ, տուժած աղջկա խոսքով հարձակման ժամանակ ականատեսներից ոչ մեկը չի պաշտպանել իրեն:

Սեպտեմբերին Pew Research Center սոցիոլոգական կենտրոնի փորձագետները հրապարակել են մի հետազոտություն, որի տվյալներով շատ մուսուլմանական երկրների բնակիչներ միանգամայն հանդուրժողական են վերաբերվում կանանց, որոնք հագուստի հարցերում չեն հետեւում իսլամի կանոններին: Թուրքիայի ու Թունիսի բնակիչների կեսից ավելին (56 ու 52 տոկոս համապատասխանաբար) կողմ է արտահայտվել, որ կանայք հագնվեն ինչպես ուզում են: Սաուդյան Արաբիայում ու Լիբանանում այդ ցուցանիշները մի փոքր ցածր են (47 ու 49 տոկոս համապատասխանաբար)