Ընկերությունը սեպտեմբերի 20-ին թողարկել է Mac համակարգիչների համար օպերացիոն համակարգի հրապարակային տարբերակը՝ macOS Sierra-ն: Մինչ այդ օգտատերերին հասանելի էր համակարգի միայն բետա- տարբերակը:
Sierra-ն կունենա Siri ձայնային օգնականի աջակցությունը, որը թույլ կտա ձայնային հրահանգով ֆայլեր որոնել, ծրագրեր գործարկել, ինտերնետում որոնում կատարել, երաժշտություն միացնել և այլն, հայտնում է Gazeta–ն
Նաև ընկերությունը նոր macOS–ին հավելել է փոխանակության միասնական բուֆեր, որի օգնությամբ կարելի է պատճենել տվյալները Apple –ի մի սարքում ու տեղադրել մյուսում:
«Ֆոտո» հավելվածում հայտնվել է «Հիշողություն» գործառույթը, իսկ էջանիշներ հայտնվել են Mac –ի բոլոր հավելվածներում: Նոր օպերացիոն համակարգը հասանելի է լինելու անվճար Mac–ի բոլոր մոդելների համար, որոնք ներկայացվել են 2009-ի վերջին: