Սեպտեմբերի 20-ին Նյու Յորքում արտգործնախարարի պաշտոնակատար Էդվարդ Նալբանդյանը մասնակցել եւ ելույթ է ունեցել ՄԱԿ-ի Գլխավոր ասամբլեայի 71-րդ նստաշրջանի շրջանակներում կայացած Ֆրանկոֆոնիայի միջազգային կազմակերպության անդամ երկրների արտգործնախարարների հանդիպմանը։ Նախարարները քննարկել են Ֆրանկոֆոնիայի երեւանյան նախարարական համաժողովի որոշումների կատարման ընթացքը։
Մադագասկարի արտգործնախարարը տեղեկացրել է նոյեմբերին Անտանանարիվուում կայանալիք գագաթաժողովի նախապատրաստական աշխատանքների մասին։