Եվրամիությունը Հայաստանի Հանրապետությանը եւ հայ ժողովրդին շնորհավորել է անկախության հռչակման 25-ամյա տարեդարձի առիթով:
«Եվրոպական միություն անհամբերությամբ է սպասում ապագայում Հայաստանի հետ սերտ համագործակցությունը շարունակելուն»,- նշված է ԵՄ մամուլի քարտուղարի հայտարարության մեջ:
Հայտարարության մեջ ԵՄ-ը խոստանում է շարունակել աջակցությունը ժողովրդավարական ինստիտուտների զարգացմանը, օրենքի գերակայությանը եւ տնտեսական բարգավաճմանը՝ հանուն Հայաստանի բոլոր քաղաքացիների:
«Մենք անհամբերությամբ ենք սպասում Հայաստանի եւ ԵՄ միջեւ ապագա համաձայնագրին, որը Արեւելյան գործընկերության շրջանակում փոխգործակցության հետ մեկտեղ ԵՄ-ին հնարավորություն կտա ակտիվացնելու Հայաստանի իշխանությունների հետ երկխոսությունը՝ աջակցելու համար բարեփոխումների ուղղությամբ նրանց ջանքերին եւ ակտիվացնելու բնակչության հետ շփումները»,- նշված է հայտարարության մեջ: