Նյու Յորքում ՄԱԿ-ի գրասենյակում բարձր մակարդակի միջոցառում է տեղի ունեցել` նվիրված Կլիմայի վերաբերյալ փարիզյան համաձայնագրին: Դրանում 31 պետության ներկայացուցիչ Գլխավոր քարտուղարին այդ փաստաթղթի վավերացման հավաստագրեր է հանձնել կամ էլ միացման վերաբերյալ այլ փաստաթղթեր:
«Ջերմոցային գազերի արտազատումն աճում է: Օդի ջերմաստիճանը բարձրանում է: Կլիմայի փոփոխության հետեւանքները խորանում են: Ոչ մի պետություն, ոչ մի հասարակություն ապահովագրված չէ այդ հետեւանքներից, բայց առավել խոցելի պետությունները դրանք առաջինն են զգում եւ տառապում են առավելագույնս: Մենք դանդաղելու ժամանակ չունենք», - հայտնել է Պան Կի Մունը` դիմելով բարձր մակարդակի հանդիպման մասնակիցներին:
Կլիմայի վերաբերյալ Փարիզյան համաձայնագիրն ընդունվել է ՄԱԿ-ի Շրջանակային համաձայնագրի մասնակից երկրների 21-րդ համաժողովին: Այն կոչված է ուղի հարթելու ցածր ածխաջրային եւ էկոլոգիապես կայուն ապագայի համար: Պայմանագիրը ստորագրման համար բացվել է այս տարվա ապրիլի 22-ին: Այդ ժամանակվանից այդ փաստաթղթի տակ իր ստորագրությունը դրել է ավելի քան 180 պետություն:
ՄԱԿ-ի ղեկավարն ասել է, որ այս շաբաթվա վերջին ցուցակը կլրացվի` հասնելով մինչեւ 190 ստորագրության: Ակնկալվում է, որ համաձայնագիրը կստորագեն եւս մի շարք երկրներ, այդ թվում նաեւ` Ղրղզստանը եւ Թուրքմենստանը: