Ամերիկյան կոնգրեսական Ադամ Շիֆը Հայաստանի ժողովրդին եւ համայն հայությանը հայերեն է շնորհավորել Անկախության 25-ամյակի առիթով: Facebook-ում հրապարակված շնորհավորանքը նա գրել է լատինատառ.
«Միանում եմ իմ ամերիկահայ ընտրողներին եւ ամբողջ աշխարհի հայերին Հայաստանի Հանրապետության Անկախության 25-րդ տարեդարձի առիթով՝ ասելով «Oorakh Angakhootyan Or»:
Չնայած անկախության ճանապարհը երբեք դյուրին չի եղել, հայերը հաղթահարել են օտար տիրապետությունը, արտաքին սպառնալիքները եւ 20-րդ դարի առաջին ցեղասպանությունը: Կասկած չկա, որ հայ համայնքն անգնահատելի ներդրում է ունեցել մեր հանրության համար՝ նոր հորիզոններ բացելով սոցիալական, տնտեսական եւ քաղաքական առումներով, հարստացնելով մեր ավանդույթները, սովորույթներն ու կյանքի որակը:
Այս կարեւոր օրը ցանկանում եմ շնորհավորել Հայաստանի ժողովրդին, Ամերիկայի հայերին, իմ ամերիկահայ ընտրողներին եւ համայն հայությանը»:
