Կետչուպը հավանաբար աշխարհում ամենամեծ ժողովրդականություն վայելող սոուսն է, բայց մինչ օրս չէր օգտագործվում աղանդերում: Կանադական գյուտը` կետչուպից տորթը, նոր մակարդակի է բարձրացնում այդ սոուսի ժողովրդականությունը, հայտնում է Kedem-ը:
«Կանադական մեծ կետչուպային տորթը» կազմված է վառ կարմիր բլիթի երկու շերտից, որոնց արանքը կրեմ-չիզ է լցված: Վերեւից նմանատիպ պանրային կրեմի շերտ կա: Տորթի բաղադրատոմսը եւ լուսանկարը արագ գրավում են սոցիալական ցանցերը եւ աշխարհում գնալով ավելի շատ հրուշակագործներ են պատրաստում անսովոր ուտեստը: Կետչուպային տորթն արդեն համտեսածների խոսքով, դրա համը գազարով տորթ է հիշեցնում, այն խոնավ է եւ քաղցր:
