Օքսֆորդի համալսարանի գիտնականները հետազոտություն են անցկացրել, որի ընթացքում պարզել են, որ եթե դպրոցականներն ուսման հաճախեն սովորականից ուշ՝ նրանց առաջադիմությունը մի քանի անգամ կբարձրանա, հայտնում է Informing–ը:
Պրոֆեսոր ու դպրոցներից մեկի տնօրեն Փոլ Քելլիի խոսքով աշակերտների ու ուսանողների առաջադիմությունը պարապմունքների ժամանակ կբարձրանա, եթե թույլ տան, որ նրանք քնից հագեցած արթնանան: Նա նշել է, որ դպրոցական պարապմունքները պետք է սկսվեն առավոտյան ժամը տասից ոչ շուտ:
Ինչ վերաբերում է ուսանողներին, ապա գիտնականների կարծիքով նրանց դասերը պետք է առավոտյան ժամը 11-ից սկսվեն:
Գիտնականները բրիտանական դպրոցում փորձ են կատարել: Նրանք պարզել են, որ տասնյամյա դպրոցականի համար շատ բարդ է կենտրոնանալ պարապմունքների վրա, եթե դրանք մինչեւ ժամը 8:30 են սկսվում: Միաժամանակ մասնագետները հայտնել են, որ վեցամյա աշակերտը չի կարող նորմալ հիշել տեղեկությունները մինչեւ ժամը 10:00-ն:
Շեշտենք,որ արդյունքում պարզվել է, որ երբ պարապմունքները առավոտյան ժամը 10-ին են սկսվում, դպրոցականների առաջադիմությունը միջինը 19 տոկոսով բարձրանում է: