«Սասնա ծռեր» խմբի անդամ Արայիկ Խանդոյանը քիչ առաջ տեղափոխվեց Արաբկիր եւ Քանաքեռ- Զեյթուն վարչական շրջանների ընդհանուր իրավասության դատարան:
NEWS.am-ի թղթակիցը հաղորդում է, որ քիչ անց այս դատարանում կմեկնարկի Խանդոյանի խափանման միջոց կալանավորումը երկու ամսով երկարաձգելու հարցի քննությունը:
Նշենք, որ «Միայնակ գայլին» սատարելու համար մի խումբ քաղաքացիներ են հավաքվել դատարանի մոտ: Այստեղ են նաեւ Խանդոյանի ընտանիքի անդամները: Հավաքված քաղաքացիները Արայիկ Խանդոյանին դիմավորեցին բացականչություններով եւ «Սասնա ծռեր» վանկարկումներով:
Հիշեցնենք, որ Արայիկ Խանդոյանին մեղադրանք է Քրեական օրենսգրքի 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել):