Մեծ Բրիտանիայի արտաքին հետախուզության «ՄԻ -6» ծառայությունը առաջիկա հինգ տարիներին մտադիր է գրեթե հազար մարդով ավելացնել աշխատակազմը՝ միջազգային ահաբեկչության՝ մասնավորապես ԻՊ խմբավորման դեմ պայքարի համար: Այս մասին հայտնել է գերատեսչության ղեկավար Ալեքս Յանգերը, փոխանցում է The Daily Telegraph–ը:
Ելույթ ունենալով ԱՄՆ-ում անվտանգության հարցերին նվիրված համաժողովում՝ նա պատմել է ահաբեկչության դեմ պայքարում զգալի առաջխաղացումների մասին: Ընդ որում Յանգերը նշել է, որ առայժմ «միայն թույլ նշաներ կան, որ այդ տեւական սպառնալիքը մոտ ժամանակները կանհետանա»
Պարբերականը նշում է, որ ըստ կառավարության ծրագրի, մինչեւ 2020թ. աշխատակիցների թիվը կարող է 2.5 հազարից 3.5 հազարի աճել: Հակաահաբեկչական ստորաբաժանումների ֆինանսավորման համար բրիտանական իշխանությունները մտադիր են ընդհանուր առմամբ 3.25 մլրդ դոլար ծախսել:
Ենթադրվում է,որ հետախուզությունը շահագրգռված է աշխատանքի ընդունել ՏՏ ոլորտի մասնագետների՝ տվյալների հավաքման համար, լեզվաբանների ու վերլուծաբանների: