Բրիտանական ռազմաօդային ուժերի Typhoon կործանիչները սեպտեմբերի 22-ին ռուսական Տու-160 երկու ռմբակոծիչներ են որսացել: Ըստ RNS-ի՝ այս մասին Facebook-ի իր էջում հաղորդել է այդ երկրի պաշտպանության նախարարությունը:
«Կարող ենք հաստատել, որ Typhoon օդանավերը ռուսական Blackjack (Տու-160) երկու ռմբակոծիչներ են որսացել եւ ուղեկցել այնքան ժամանակ, քանի դեռ դրանք Միացյալ Թագավորության հետաքրքրության գոտում են եղել»,- ասված է հաղորդագրությունում:
Նշվում է նաեւ, որ ռուսական օդանավերը չեն խախտել Մեծ Բրիտանիայի օդային տարածքը:
