2014 թվականին Yahoo-ն հաքերների զոհ է դարձել, որոնք շուրջ կես միլիարդ օգտատերերի տվյալներ են հափշտակել: BBC-ի հաղորդմամբ՝ ընկերությունը տարածած հայտարարությամբ հաստատել է սա՝ հավելելով, որ հարձակումների հետեւում, իրենց կարծիքով, համաշխարհային կառավարություններից մեկն է կանգնած եղել:
Ընկերությունում խոստովանել են, որ հափշտակվել են օգտատերերի անձնական տվյալներ, «չգաղտնագրված ստուգողական հարցեր եւ դրանց պատասխանները», բայց ոչ բանկային քարտերի համարներ:
Հայտարարությունում, սակայն, չի հստակեցվում, թե հատկապես որ երկրի իշխանություններին են պատասխանատու համարում կատարվածի համար:
