Չինաստանը պատրաստ է Կլիմայի հարցով Փարիզի համաձայնագրի արդյունավետ իրականացման համար աջակցել տարբեր կողմերի հետ համագործակցությանն ու շփումներին։ Այս մասին ասել է Չինաստանի ԱԳՆ ներկայացուցիչ Լու Կանը, փոխանցում է «Սինհուա»–ն։
Դիվանագետի խոսքով՝ կլիմայի փոփոխության հարցը մարտահրավեր է ամբողջ մարդկության համար։ Լու Կանը նշել է, որ դրա համար անհրաժեշտ է ամբողջ միջազգային հանրության համագործակցությունը։ Նա կարծում է, որ Փարիզի համաձայնագիրը թույլ է տվել սահմանել կլիմայի փոփոխությանն արձագանքելու հարցում հետագա գլոբալ համագործակցության ուղղությունը։
Լու Կանը հիշեցրել է, որ չինական կողմը վերջերս ՄԱԿ–ին է հանձնել Փարիզի համաձայնագրի վավերացման մասին փաստաթուղթը։
