Պետական ապարատում գողության դեմ պետք է պայքարել, եւ այս հարցում վարչապետ Կարեն Կարապետյանը միանգամայն ճիշտ է: Այս մասին սեպտեմբերի 23-ին լրագրողներին ասել է էկոնոմիկայի նախարարի պաշտոնակատար Արծվիկ Մինասյանը՝ մեկնաբանելով նախօրեին վարչապետ Կարեն Կարապետյանի հայտարարությունը պետական ապարատում պրիմիտիվ գողությունն արմատախիլ անելու մասին:
«Չի կարելի չհամաձայնվել կառավարության աշխատակազմի ղեկավար-նախարար Դավիթ Հարությունյանի հայտարարության հետ, որն ընդգծել է ծառայողական գործուղումների ավիատոմսերը հստակ կանոններով եւ սահմանափակ գներով գնելու անհրաժեշտությունը: Այս հարցում խախտումները պետք է պատժվեն, ինչպես նաեւ պետական միջոցների վատնումների ցանկացած այլ դեպքերում»,- նշել է Մինասյանը: