Եվրոպայի խորհրդի Նախարարների կոմիտեն սեպտեմբերի 20-21-ին կայացած նիստում Մարդու իրավունքների եւ ազատությունների եվրոպական կոնվենցիայի խախտում է համարել Ադրբեջանի ՌԵԱԼ ընդդիմադիր շարժման առաջնորդ Իլգար Մամեդովին չազատելը:
Ինչպես հայտնում է contact.az-ը, քննարկելով Իլգար Մամեդովին ազատելու հարցով Մարդու իրավունքների եվրոպական դատարանի որոշումը կատարելու Բաքվի մերժումը՝ Նախարարների կոմիտեն որոշում է ընդունել: Որոշման մեջ նշված է, որ Մամեդովին չազատելը նշանակում է Մարդու իրավունքների եւ ազատությունների եվրոպական կոնվենցիայի 46.1 հոդվածի խախտում, որը պահանջում է ՄԻԵԴ որոշումների պարտադիր կատարում: Կոմիտեն Ադրբեջանի իշխանություններին կոչ է արել իր պարտականությունները կամավոր կատարել:
Այս որոշումը մեկնաբանելով՝ իրավապաշտպան Ռասուլ Ջաֆարովը հայտարարել է, որ Նախարարների կոմիտեն առաջին անգամ է Ադրբեջանի հարցով հղում կատարում 46 հոդվածին: Այդ հոդվածի 4-րդ կետի համաձայն՝ ՄԻԵԴ որոշման կատարումից խուսափող երկիրը կարող է պատժամիջոցների ենթարկվել: Այլ խոսքով՝ Նախարարների կոմիտեն հասկացնում է, որ ՄԻԵԴ որոշումը հետագայում եւս չկատարելու դեպքում Ադրբեջանի դեմ կարող են պատժամիջոցների կիրառել:
Հիշեցնենք, որ Մամեդովը կալանավորվել է 2013-ի հունվարին Իսմայիլի քաղաքում անկարգություններ կազմակերպելու կեղծ մեղադրանքով եւ դատապարտվել է 7 տարի ժամկետով ազատազրկման: