Արարատի մարզի Արալեզ գյուղի խաղողագործներն այսօր՝ սեպտեմբերի 23-ին, բողոքի ակցիա են իրականացնում Երասխի գինու գործարանի մոտ. արդեն երկրորդ օրն է խաղողի բերքով բեռնված բեռնատարերը կանգնած են գործարանի մոտ: NEWS.am-ի հետ զրույցում խաղողագործներից Արմենը նշեց, որ գործարանը հրաժարվում է մթերել խաղողի բերքը, քանի որ կառավարությունը գործարանին չի տրամարդրել խոստացված վարկերը:
«Արդեն երկրորդ օրն է՝ բերքով բեռնված մեքենաներով կանգնած ենք այստեղ: Խաղողը փչանում է՝ 5 տոննա, 3 տոննա բերք կա ամեն մի մեքենայի մեջ: Տանջվել ենք, մշակել ենք ու փչանալու է՝ թափենք: Առանց այն էլ դեռ անցած տարվա մթերած խաղողի գումարը չենք ստացել»,-ասաց նա: Գյուղացիները կառավարությունից պահանջում են գորածարանին վարկ տրամարդրելու շուտափույթ որոշում ընդունել: