115 մարմին է հաջողվել ջրից հանել Եգիպտոսի ափերին նավի խորտակումից հետո: Նավը միգրանտների էր տեղափոխում: AFP-ն, վկայակոչելով իշխանությունների ներկայացուցչին, հայտնել է, թե հնարավոր է, որ զոհվել են եւս մի քանի տասնյակ մարդիկ:
Հիշեցնենք, որ միգրանտների տեղափոխող նավը սեպտեմբերի 20-ին խորտակվել է Եգիպտոսի ափերին: Հաջողվել է փրկել 150 մարդու, մինչդեռ, որոշ տեղեկությունների համաձայն, նավում մոտ 600 մարդ է եղել: Զոհվածների մեծ մասը կանայք եւ երեխաներ են:
