Սոչիում եղանակի կտրուկ վատթարանալու եւ ծովի վրա ծովամրրիկներ առաջանալու սպառնալիքի կապակցությամբ փոթորկի նախազգուշացում է հայտարարվել։ Այս մասին ասված է քաղաքապետարանի կայքում։
«Հանգստավայրի տարածքում հորդառատ անձրեւներ են սպասվում։ Հնարավոր է գետերի ջրի մակարդակի կտրուկ բարձրացում։ Ծովի վրա՝ Մագրի–Վեսյոլոե տեղամասում, ծովամրրիկներ են կանխատեսվում»,– ասված է հաղորդագրության մեջ։
Փրկարարները քաղաքի բնակիչներին կոչ են անում հրաժարվել բնության գրկում՝ հատկապես ափամերձ հատվածներում հանգստանալուց։