Սինգապուրի դատարանը երկրի 43-ամյա բնակչին վեց շաբաթվա ազատազրկման է դատապարտել ընտանի կենդանիների նկատմամբ դաժան վերաբերմունքի համար: Channel NewsAsia հեռուստաալիքի փոխանցմամբ ՝ ազատազրկումից բացի նա պետք է 65. 7 հազար սինգապուրյան դոլարի ( 48.2 հազար դոլար) չափով տուգանք վճարի, հայտնում է ՏԱՍՍ-ը:
Ըստ քննության տվյալների՝ շներ բազմացնող Լոու Չունգը Կիետը իրեն պատկանող 30 շներից 18-ին թողել է ճակատագրի քմահաճույքին, պարզապես լքելով նրանց փողոցում: Սինգապուրի գյուղապրանքների ու անասնաբուժական հսկողության վարչության տվյալներով գրեթե բոլոր կենդանիները գրանցված չեն եղել, այսինքն պահվել են օրենքի խախտումով:
«Նման անպատասխանատու արարքի պատճառով երկու շները լուրջ վնասվածքներ են ստացել»,- ասվում է կազմակերպության զեկույցում: Արդյունքում շներ բուծողին մեղադրել են կենդանիների նկատմամբ դաժան վերաբերմունքի համար: Նրան նաեւ մեղադրել են սանիտարական նորմերը խախտելու համար:
Սինգապուրի օրեսդրությունը բավականին խիստ է ընտանի կենդանիներ բուծողների հանդեպ, կենդանիների հանդեպ դաժան վերաբերմունքի համար նախատեսված է մինչեւ երկու տարի ազատազրկում եւ խոշոր տուգանքներ: Նվազ խիստ չէ պատիժը նաեւ կատուների, շների ու մյուս կենդանիների մաքսանենգ փոխադրման համար, մեկ ամիս առաջ մի սինգապուրցին կես տարվա ազատազրկման է դատապարտվել առանց թույլատվության շների ձագեր հանրապետության տարածք ներմուծելու համար:
