Սիրիայի հարցով ՄԱԿ-ի հատուկ դեսպան Ստաֆֆան դե Միստուրան մտադիր է նպաստել ՝ սեպտեմբերի 9-ին Ռուսաստանի ու ԱՄՆ-ի միջեւ՝ Սիրիայում հրադադարի մասին կնքված համաձայնագրի վերագործարկմանը:
«Ես կանեմ այն ամենն, ինչ իմ ուժերի սահմանում է, որպեսզի նպաստեմ Ռուսաստանի ու ԱՄՆ-ի միջեւ՝ սեպտեմբերի 9-ին կնքված համաձայնագրի վերագործարկմանը: Իմ կարծիքով դա լավ համաձայնագիր է: Այն վերաբերում էր երեք ոլորտների, որոնցից յուրաքանչյուրը կարեւոր է»,- ասել է դե Միստուրան:
Ավելի վաղ Ստաֆֆան դե Միստուրան հայտնել էր, որ Սիրիայի աջակցության միջազգային խմբի հանդիպումը երկարատեւ ու հիասթափեցնող էր:
