Իրանը հավատարիմ է միջուկային գործարքով նախատեսված իր պարտավորություններին, հայտարարել է Եվրամիության արտաքին դիվանագիտության ղեկավար Ֆեդերիկա Մոգերինին: «Մենք կարծում ենք, որ Իրանն ընդհանրապես միջուկային գործարքով նախատեսված իր պարտավորությունները կատարում է, որը հայտնի է որպես Գործողությունների համընդհանուր համատեղ պլան»,- Իրանի եւ «Վեցյակի» երկրների ԱԳ նախարարների հանդիպումից հետո հայտարարել է նա: Այս մասին հայտնում է Irna-ն:
«Մեզ է տրամադրվել ՄԱԳԱՏԷ-ի (Միջուկային էներգիայի միջազգային գործակալություն) երեք հաշվետվություն, որոնք հաստատում են, որ Իրանը միջուկային հարցերի վերաբերյալ անհրաժեշտ բոլոր քայլերը կատարել է: Մենք բոլորս վճռականորեն հաստատեցինք այդ համաձայնագրի պատմական նշանակությունը, որն ամբողջ աշխարհին ցույց տվեց, որ նույնիսկ ամենաբարդ հարցերը կարելի է լուծել երկխոսության ճանապարհով»,- նշել է Մոգերինին:
