Երեւանի Արաբկիր եւ Քանաքեռ-Զեյթուն վարչական շրջանների ընդհանւր իրավասության դատարանում այս պահին քննվում է «Սասնա ծռեր» խմբի մի քանի անդամների խափանման միջոց կալանքի երկարացման վերաբերյալ միջնորդությունները: NEWS.am-ի թղթակիցն հաղորդում է, որ քիչ առաջ վատացել էր «Սասնա ծռեր» խմբի անդամ Հովհաննես Վարդանյանի առողջական վիճակը եւ նրա համար «Շտապօգնություն» էին կանչել:
Դատարանի դիմաց են հավաքվել «Սասնա ծռեր» խմբի անդամների հարազատները, աջակիցները: Նրանք իրենց հետ բերել են «Սասնա ծռեր» գրությմաբ պաստառներ, դատարանի դիմաց վանկարկում են «Սասնա ծռեր» խմբի անդամների անունները, «Մենք Սասնա ծուռ ենք»:
Այս պահին քրեակատարողական հիմնարկներից դատարան են տեղափոխվել «Սասնա ծռեր» խմբի անդամներ Տիգրան Սարգսյանը, Էդուրադ Սողոմոնյանը, Արայիկ Հակոբյանը:
Նշենք, որ այսօր դատարանը քննելու է «Սասնա ծռեր» խմբի անդամներ Արեգ Կյուրեղյանի, Արամ Մանուկյանի, Էդգար Գրիգորյանի, Էդուարդ Սողոմոնյանի, Արթուր Սարգսյանի, Սերգեյ Կյուրեղյանի, Հովհաննես Վարդանյանի եւ Վարդան Գերավետյանի կալանքի երկարացման միջնորդությունները: