ԱՄՆ-ի նախագահի թեկնածու Հիլարի Քլինթոնը պետքարտուղարի պաշտոնում Ռուսաստան ուղեւորության ընթացքում հյուրանոցում գաղտնի փաստաթուղթ է մոռացել, հայտնում է ABC News հեռուստաալիքը` վկայակոչելով ՀԴԲ-ի զեկույցը, որը նվիրված է գաղտնի փաստաթղթերին նրա անփույթ վերաբերմունքին:
Հրապարակված նյութերի համաձայն, Քլինթոնի օգնականներից մեկը այն հյուրանոց, որտեղ կանգ էր առել պետքարտուղարը, բերել է պայուսակ, որում գաղտնի տեղեկատվական գրքույկ կար: Երբ Քլինթոնն ու իր օգնականը լքել են համարը, այնտեղ թողնված փաստաթուղթը հայտնաբերել են դիվանագիտական անվտանգության աշխատակիցները, հայտնում է Lenta-ն:
Կանոնների համաձայն, ամեն դեպքում չի կարելի փաստաթուղթ տանել հյուրանոցային համար, նշում է ՀԴԲ-ն:
2015 թվականի մարտին Քլինթոնի էլեկտրոնային փոստի հետ կապված սկանդալ է բռնկվել: Պարզվել է, որ պետքարտուղարի պաշտոնում նա գործնական նամակագրություն է իրականացրել իր անձնական փոստարկղից: Հետագայում քաղաքական գործիչը ՀԴԲ-ին է փոխանցել այն նամակները, որոնք հայտնվել էին էլեկտրոնային նամակագրության մասնավոր սերվերում, սակայն միաժամանակ ջնջել է 30 հազար նամակ` նշելով, որ դրանք զուտ անձնական բնույթ են կրել: