Մերձավորարեւելյան քառյակը՝ Ռուսաստան, ԱՄՆ, ՄԱԿ եւ Եվրամիություն, վճռականապես դատապարտում է իսրայելական բնակավայրերի շինարարությունը, որը խոչընդոտում է խաղաղությանը եւ սասանում է երկու երկրների մասին որոշման իրացման հնարավորությանը: Նման հայտարարություն են արել քառյակի երկրները Նյու Յորքում նախարարների մակարդակով հանդիպումից հետո: Այս հանդիպմանը հրավիրված էին նաեւ Եգիպտոսի եւ Ֆրանսիայի արտգործնախարարները:
Նիստի մասնակիցները նաեւ մտահոգություն են հայտնել Գազայի հատվածում հումանիտար բարդ իրավիճակի կապակցությամբ, որը վատթարացել է անցակետերը փակելուց հետո: Նրանց մտահոգում է նաեւ պաղեստինյան կիսառազմական խմբերի ապօրինի գործունեության ակտիվացումը:
«Բացի այդ, առաջնային է ազգային միասնության առաջխաղացումը Պաղեստինի ազատագրման կազմակերպության պլատֆորմի եւ քառյակի սահմանած սկզբունքների վրա»,- ասված է հայտարարության մեջ:
Հայտարարությունը դատապարտում է բռնության նոր ալիքը եւ կոչ է անում թուլացնել լարվածությունը եւ զսպվածություն ցուցաբերել:
