Գյումրիում տեղի ունեցածը տարերային աղետ էր տեղական ինքնակառավարման մարմինների ընտրությունների համար: Այս մասին սեպտեմբերի 24-ին մամուլի ասուլիսի ժամանակ հայտարարել է Հայաստանի համայնքների միության նախագահ Էմին Երիցյանը:
Նրա խոսքով՝ իրավիճակը չի կարգավորվում օրենսդրությամբ: «Սակայն ընտրական գործընթացը դրա հետեւանքով չի ընդհատվել»,- նշել է Էմին Երիցյանը.
NEWS.am-ը հայտնել է, որ ողբերգությունը տեղի է ունեցել սեպտեմբերի 20-ին: Գյումրիի քաղաքապետի «Բարգավաճ Հայաստան» կուսակցության թեկնածու Վարդեւան Գրիգորյանի որդու՝ Արշակ Գրիգորյանի դին գլխի հրազենային վնասվածքով հայտնաբերվել է տան նկուղում:
Հիշեցնենք, որ հոկտեմբերի 2-ին Գյումրիում ավագանու ընտրություններն առաջին անգամ կանցկացվեն կուսակցական ցուցակներով: Հաղթող քաղաքական ուժը կնշանակի հանրապետության երկրորդ քաղաքի քաղաքապետին: