Ռազմական բալանսի տեսակետից հայկական կողմը միշտ առավելություն է ունեցել ադրբեջանական կողմի նկատմամբ: Այս մասին NEWS.am-ի թղթակցի հետ զրույցում ասել է Հայաստանի պաշտպանության նախկին նախարար Վաղարշակ Հարությունյանը:
Նա հիշեցրեց, որ Ղարաբաղյան առաջին պատերազմի ժամանակ ադրբեջանական կողմը կրկնակի, հնգակի առավելություն ուներ ռազմական տեխնիկայի առումով, ավիացիայում՝ 60 անգամ գերազանցում էր, սպառազինություններով՝ 25 անգամ: «Բայց ինչի՞ նրանք հասան: Կորցրեցին Ղարաբաղը եւ 7 տարածք: Նույնը եւ հիմա: Այստեղ հարցն այն է, թե բանակը մարտունակ է, թե ոչ, իսկ մարտունակությունը ոչ միայն տեխնիկայի քանակն է, այլ սպառազինությունների տեսակը: Մենք ունենք այն, ինչ նրանք չունեն:
Մենք ունենք «Իսկանդեր» տակտիկական համակարգեր, ուժեղ հակաօդային պաշտպանություն: Հայկական կողմն ունի սպայական պատրաստված կադրեր: Մեր սպաները սովորում են Ռուսաստանում, տեխնիկան նույնպես ռուսական է: Իսկ նրանց տեխնիկայիի մի մասը ռուսական է, մյուսը՝ իսրայելական, մի մասն էլ՝ թուրքական: Նրանք սովորում են Թուրքիայում: Ի՞նչ կարող են նրանց սովորեցնել Թուրքիայում, երբ տեխնիկան ռուսական է: Հենց այդ պատճառով էլ նրանց սպաների պատրաստվածության մակարդակը ցածր է»,- ասել է Վաղինակ Հարությունյանը:
Նրա խոսքով՝ պատերազմը դա ցույց տվեց: «Այնպես որ, այդ չափանիշներով մենք առավելություն ունենք, եւ արդյունքում մեր բանակը շատ ավելի մարտունակ է»,- ասել է նախկին նախարարը: