«Սասնա ծռեր» խմբի անդամներ Արամ Մանուկյանն ու Մխիթար Ավետիսյանը եւս երկու ամիս կմնան անազատության մեջ: Այսօր` սեպտեմբերի 24-ին, Երեւանի Արաբկիր եւ Քանաքեռ եւ Զեյթուն վարչական շրջանների ընդհանուր իրավասության դատարանը բավարարեց նախաքննական մարմնի միջնորդությունը` նրանց կալանքը երեկարացնելու վերաբերյալ:
ԱրամՄանուկյանի փաստաբան Հովհաննես Բաղդասրայնը NEWS.am-ի հետ զրույցում նշեց, որ Արամ Մանուկյանը հրաժարվել էր մասնակցել միջնորդության քննությանը:
NEWS.am-ի թղթակիցն հաղորդում է, որ դատարանի դիմաց են հավաքվել «Սասնա ծռեր» խմբի անդամների հարազատներն ու աջակիցները:
Արամ Մանուկյանին եւ Մխիթար Ավետիսյանին մեղադրանք է առաջադրվել Քրեական օրենսգրքի 218-րդ (պատանդ պահել) եւ 235-րդ հոդվածներով (զենք, զինամթերք կրել, փոխադրել):
