Թուրքիայի հետ միգրացիոն գործարքը Եվրամիության համար առաջնային է մնում: Այս մասին ասել է միգրացիայի, ներքին գործերի եւ քաղաքացիության հարցերով եվրահանձնակատար Դիմիտրիս Ավրամոպուլոսը Վիեննայում «Բալկանյան երթուղի» գագաթնաժողովից հետո:
«ԵՄ-Թուրքիա համաձայնագրի կատարումը առաջնային է եւ մնում է մեր Պլան Ա-ն»,- ասել է եվրահանձնակատարը:
Նրա խոսքով՝ Թուրքիայի հետ համագործակցության շնորհիվ փախստականների հոսքը կտրուկ պակասել է՝ մի քանի հազարից հասնելով մի քանի հարյուրի, փոխանցում է «ՌԻԱ Նովոստի»-ն: