Սիրինարտ ազգային պարկի ղեկավարությունը փակել է Թաիլանդի Պխուկետ կղզու Նայ Յանգ, Նայ Տորն ու Լայան լողափերը, քանի որ այնտեղ թունավոր ֆիզալիաներ են նկատել, հայտնում է տեղի Thai PBS հեռուստաալիքը:
Ֆիզալիաները, որոնք հայտնի են նաեւ պորտուգալական նավակներ անվանումով հիշեցնում են մեդուզա, որոնց հետ նրանց հաճախ են շփոթում: Սակայն դրանք դասվում են սինոֆորների դասին ու իրենցից ներկայացնում են գազով լցված թափանցիկ պղպջակ՝ մինչեւ 30 սմ տրամագծով ու շոշափուկներով, որոնցում մեծ քանակության դաղող բջիջներ կան: Ֆիզալիայի խայթոցը շատ ցավոտ է, դրա թույնը վտանգավոր է մարդու համար: