Ամմանում սպանվել է հորդանանցի գրող ու հրապարակախոս Նախեդ Հաթթարը, որին մինչ այդ կալանավորել էին այն բանի համար, որ նա իր Facebook էջում ծաղրանկար էր հրապարակել, որը որոշ օգտատերեր իսլամի նատմամբ, վիրավորական էին համարել հայտնում է The Independent-ը:
Անհայտ մեկը երեք անգամ կրակել է Հաթթարի գլխին: Հայտնում են, որ հանցագործին կալանավորել են:
Գրողին սպանել են դատարանի շենքի մոտ, որտեղ պետք է այդ գործով լսումներ անցնեին՝ գրողին մեղադրում էին կրոնի հանդեպ անհարգալից վերաբերմունքի համար: Իշխանությունների տեսակետից Հաթթարը հանցագործություն է կատարել՝ Facebook-ում ծաղրանկար հրապարակելով: Դրանում պատկերված է ԻՊ զինյալը որը նստել է երկու կանանց կողքին ու աստծուն խնդրում է իրենց խմիչք մատուցել:
«Ռոյթերը» նշում է, որ Հաթթարը Հորդանանում հայտնի քրիստոնյա ակտիվիստ էր: Բացի դրանից նա Սիրիայի նախագահ Բաշար Ասադի կողմնակիցն էր: