Եվրոպական տիեզերական ոլորտում ամենահայտնի գիտնականներից մեկը՝ Ռիտա Շուլցը բողոքել է, որ Եվրոպական տիեզերական գործակալությունը «խնդիրներ ունի կանանց առաջ մղելու» հարցում։ Շուլցը, ով 2007-2013 թվականներին եղել է Rosetta առաքելության գլխավոր մասնագետը, նշել է, որ այդ պատճառով այսօր գործակալությունում բոլոր գլխավոր պաշտոններում տղամարդիկ են աշխատում, հաղորդում է Guardian-ը։

Նրա խոսքով, երբ իրեն փոխարինել է Մեթ Թեյլորը, որը հայտնի է դարձել իր գույնզգույն վերնաշապիկով, ինքը միակ կին աշխատակիցն էր գործակալությունում, որը նախագիծ էր գլխավորում։

«Ես միակ կինն էի 20 տարի շարունակ։ Ես իսկապես կարծում եմ, որ կանանց թիվը պետք է մեծ լինի կառույցում։ Դա այն է, ինչ պակասում է գործակալությունում։ Կանանց երբեք առաջ չեն մղում, ես դա խնդիր եմ համարում»,-հայտարարել  նա։