ԱՄն նախագահի հանրապետական թեկնածու Դոնալդ Թրամփը սպառնացել է իր մրցակից Հիլարի Քլինթոնի հետ սեպտեմբերի 26-ին ծրագրված բանավեճին հրավիրել Ջենիֆեր Ֆլաուերսին, ոըր սիրային կապ է ունեցել նախկին նախագահ Բիլ Քլինթոնի՝ Հիլարիի ամուսնու հետ, հայտնում է BBC.–ի Ռուսական ծառայությունը
Պատասխանելով միլիարդատեր Մարկ Կուբանի քննադատությանը, որը պարծեցել է նրանով, որ Հիլարի Քլինթոնի ընտրական շտաբը իրեն է հրավիրել բանավեճերին, Թրամփը «Թվիթերում» գրել է, որ պատրաստ է Ֆլաուերսին հրավիրել ու նրան առաջին շարքում տեղ հատկացնել: Կուբանը նախկինում վարում էր մի հեռուստաշոու, որը մրցում էր Թրամփի շոուի հետ, բայցեւայնպես նույնպիսի հաջողություն չուներ:
Թվիթերում եւ լրագրողների հարցերին ի պատասխան՝ Ֆլաուերսը խոստացել է ներկա լինել բանավեճերին: Առայժմ անհասկանալի է՝ իրոք Թրամփը հրավիրել է նրան, թե նա Թրամփի թվիթը որպես հրավերք է ընկալել :
Թեկնածուների ընտրական շտաբերը նախընտրական բանավեճերի համար տոմսերը իրենց հայեցողությամբ են բաշխում ու հաճախ են հյուրերին այնպես ընտրում, որ քաղաքական ճնշում գործադրեն ընդդիմախոսի վրա:
Թրամփի համար ամուսնական անհավատարմությունը արտասովոր երեւույթ չէ, նրա երեք կանանցից երկրորդը սկզբում նրա սիրուհին է եղել, որի հետ նա դավաճանում էր իր առաջին կնոջը:
«Հիլար Քլինթոնը ծրագրում է բանավեճերը օգտագործել մարդկանց կյանքի վրա ազդող խնդիրների քննարկման համար: Ոչ մի զարմանալի բան չկա, որ Դոնալդ Թրամփը այլ ճանապարհ է ընտրել»- ասել է Ջենիֆեր Պալմիերին՝ Քլինթնոի շտաբի հաղորդակցության հարցերով տնօրենը: