Շվերցարիայի քաղաքացիները հանրաքվեի ժամանակ քվեարկել են Հետախուզության դաշնային ծառայության լիազորությունները ընդլայնելու օգտին, ինչը թույլ կտա հատուկ ծառայությունների աշխատակիցներին գաղտնալսել հեռախոսազրույցները ու հետեւել էլեկտրոնային նամակագրությանը, հայտնում է BBC–ն
Հեռուստաալիքի տվյալներով Շվեյցարիայի բնակիչների 65.5 տոկոսը քվեարկել է հատուկ ծառայությունների լիազորություններն ընդլայնող օրենքի օգտին՝ չնայած ընդդիմախոսների մտավախություններին, որ օրենքը կարող է քաղաքացիական ազատությունների խախտման հանգեցնել:
Ընդ որում օրենքը հատուկ ծառայություններին թույլատրում է նմանատեսակ գաղտնալսումներ միայն դատարանի թույլատվությամբ: Նախաձեռնության կողմնակիցների կարծիքով այս միջոցառումները կպաշտպանեն մարդկանց ահաբեկչական սպառնալիքից:
Կառավարությունը շվեյցարացիներին վստահեցրել է, որ հատուկ ծառայությունները ընդլայնված լիազորություններն օգտագործելու են ամսական մոտավորապես մեկ անգամ, ընդ որում հետեւելու են առավել կասկածելի թվացող մարդկանց: Օրենքը դեռ անցած տարի էին ընդունել, բայց այն այդպես էլ ուժի մեջ չէր մտել, քանի որ ընդդիմախոսներին հաջողվել էր բավականաչափ ստորագրություն հավաքել ու այդ միջոցառման նպատակահարմարության հարցը հանրաքվեի դնել:
