Հռոմի պապ Ֆրանցիսկոսը սեպտեմբերի 25-ին աջակցություն է հայտնել մեքսիկական հոգեւորականությանը, որը հանդես է գալիս ավանդական ընտանիքի ու հասարակությունում դրա դերակատարման պաշտպանությամբ: Կիրակնօրյա պատարագի ժամանակ դիմելով Սուրբ Պետրոսի հրապարակում հավաքված հազարավոր ուխտագնացներին՝ Հռոմի պապը ասել է, որ «այդ թեման մեր օրերում հատուկ հովվական ուշադրություն է պահանջում ամբողջ աշխարհում», հայտնում է ՏԱՍՍ-ը:
Հռոմի պապի այս խոսքը մեջբերել է Վատիկանի մամուլի ծառայությունը: Մեքսիկայում բողոքի զանգվածային ակցիաներ են անցկացվում ՝ երկրի նախագահ Էնոտկե Պենյա Նիետոյի նախաձեռնության դեմ, որը նախատեսում է նույնասեռականների ամուսնությունների թույլատվություն:
Ֆրանցիսկոսը խոսել է նաեւ սեպտեմբերի 25-ին նշվող Խուլերի միջազգային օրվա մասին ու «բոլոր խուլերին ու թույլ լսողներին մաղթել լիակատար ինտեգրում հասարակության կյանքին»: Նրա խոսքը ուղեկցվել է սուրդոթարգմանությամբ՝ հրապարակում տեղադված հսկայական հեռուստաէկրաններից: