ԱՄՆ ազգային անվտանգության գործակալության նախկին աշխատակից Էդվարդ Սնոուդենը դարձել է գերմանական Կասել քաղաքում կազմակերպվող «Ողջամտության գավաթ» հեղինակավոր մրցանակաբաշխության դափնեկիր, հայտնում է DPA գործակալությունը:
«Իր բացահայտումներով Էդվարդ Սնուոդենը ավելացրել է հասարակության հետաքրքրությունը քաղաքացիների անձնական տվյալների անահմանափակ հավաքման խնդրի հանդեպ: Քաջությամբ ու սթափ դատողությամբ նա որոշում է կայացրել վտանգել իր սեփական կյանքն ու անվտանգությունը»,- ասվում է Կասսել քաղաքի պաշտոնական կայքում՝ նախկին գործակալին մրցանակ շնորհելու մասին հայտարարության մեջ:
Մրցանակաբաշխության արարողությունը կայացել է այսօր Կասելի պետական թատրոնի շենքում՛: Դափնեկիրն անձամբ չէր կարողացել ներկա գտնվել արարողությանը: «Օրենքը չի կարող փոխարինել խիղճը»,- մեջբերում է գործակալությունը Սնոուդենի տեսաուղերձում:
