Սեպտեմբերի 26-ին ԱԺ-ն 1-ին ընթերցմամբ ընդունել է մինչեւ 200 եվրո արժողության բեռների ներմուծումը մաքսային վճարներից ազատելու մասին օրինագիծը: Կառավարության համապատասխան օրինագիծը (որին միացրել են պատգամավոր Էդմոն Մարուքյանի առաջարկները) 1-ին ընթերցմամբ ընդունվել է ԱԺ արտահերթ նիստին՝ 100 «կողմ» ու 1 ձեռնպահ ձայներով , հայտնում է NEWS.am–ի թղթակիցը:
Հիշեցնենք, որ փոքր առեւտրային բեռները մաքսային վճարներից ազատելը հաստատվել էր դեռ Մաքսային (հիմա Եվրասիական տնտեսական) միության ժամանակ, որին 2015-ից անդամակցել է նաեւ Հայաստանը: Արտոնության նպատակն է աջակցել փոքր բիզնեսին:
