Արցախի զորամասերից մեկի պահպանության տեղամասի մարտական դիրքում սեպտեմբերի 25-ին զոհված 19-ամյա Սեւակ Խաչատրյանը Արմավիրի մարզի Արեւիկ գյուղի բնակիչ էր: Սեւակը ընտանիքի փոքր երեխան էր, ունի իրենից մեծ երկու եղբայր: Արեւիկի գյուղապետարանից NEWS.am-ին տեղեկացրին, որ Սեւակ Խաչատրյանը մեկ տարի առաջ էր զորակոչվել բանակ, նա մասնակցել է նաեւ ապրիլյան քառօրյա պատերազմին:
Սեւակը օրինակելի եւ կրթված ընտանիքի զավակ էր, մինչեւ զորակոչվելը նա ընդունվել էր ԵՊՀ:
Ավելի վաղ տեղեկացրել էինք, որ սեպտեմբերի 25-ին Արցախում պետական սահմանը պաշտպանելիս հակառակորդի կրակոցից զոհված 19-ամյա Սեւակ Խաչատրյանը հետմահու պարգեւատրվել է «Մարտական ծառայություն» մեդալով:
Հիշեցնենք, որ սեպտեմբերի 25-ին, ժամը 10.40-ի սահմանում ՊԲ հարավային ուղղությամբ տեղակայված զորամասերից մեկի պահպանության տեղամասի մարտական դիրքում հակառակորդի կողմից արձակված գնդակից մահացու հրազենային վիրավորում է ստացել զինծառայող, 19-ամյա Սեւակ Խաչատրյանը:
Հարուցվել է քրեական գործ:
