Խցանումների մեջ երկարատեւ կանգնող մեքենաներից էներգիա ստանալու տեխնոլոգիայի ստեղծման ուղղությամբ են աշխատում ԱՄՆ Քալիֆորնիայի նահանգի Էներգետիկ հանձնաժողովի ամերիկացի գիտնականները: Informing-ի փոխանցմամբ՝ նախագիծն իրականացվում է տեղական իշխանությունների աջակցությամբ:
Գիտնականներն առաջարկում են օգտագործել պյեզոէլեկտրական գեներատորներ, որոնք կներկառուցվեն ճանապարհային ծածկույթին: Այդ գեներատորները շարժման էներգիան եւ մեխանիկական ձեւախախտումները կփոխակերպեն էլեկտրական հոսանքի:
Այժմ մասնագետները մտադիր են հասկանալ, թե որքանով է այդ նախագծի իրականացումը տնտեսապես նպատակահարմար: Նրանք նշում են, որ եթե երեւան գան այդպիսի գեներատորներ, ապա հնարավորություն կտան ստանալու Քալիֆորնիայի էլեկտրաէներգիայի պահանջարկի մոտ 50 տոկոսը: Սակայն, այդ դեպքում, ճանապարհային ծածկույթը հարկ կլինի հաճախակի փոխել, որպեսզի գեներատորները փոխարինեն: