Ֆրանսիական տրանսպորտային Alstom ընկերությունը ներկայացրել է աշխարհում առաջին ուղեւորատար գնացքը, որը Գերմանիայի երկաթգծով կընթանա միայն ջրածնով, հայտնում է ScienceAlert-ը:
Դիզելով աշխատող սովորական գնացքներին բնորոշ արտանետումների փոխարեն, Coradia iLint գնացքը ընդամենը գոլորշի եւ ջրային կաթիլներ կարտանետի մթնոլորտ: Գնացքն առաջին անգամ հանրությանը ներկայացվել է Բեռլինում InnoTrans ցուցահանդեսին:
Գնացքի էլեկտրաշարժիչները սնվում են լիթիումային կուտակիչներից, որոնք լիցքավորվում են ջրածնային վառելիքային մարտկոցներով: Ջրածնով մեկ լիցքավորումը կհերիքի 800 կմ ճանապարհի համար:
Die Welt թերթի տվյալներով, գնացքը կընթանա Ներքին Սաքսոնիայի ճանապարհներով, տեղի իշխանությունները ֆրանսիացիներին արդեն 14 լրակազմ են պատվիրել: Եթե փորձարկումները հաջող անցնեն, փորձը կտեղափոխվի նաեւ Գերմանիայի այլ շրջաններ:
