«ՋԵբհաթ ան-Նուսրայի» գրոհայինները հակատանկային TOW հրթիռներ են ստանում անմիջապես ԱՄՆ-ից: Այս մասին հայտնում է գերմանական Focus ամսագիրը՝ վկայակոչելով ահաբեկչական կազմակերպության հրամանատարներից մեկին, փոխանցում է «ՌԻԱ Նովոստի»-ն:
«Հրթիռները մեզ անմիջաբար են տվել: Ամերիկացիները մեր կողմից են»,- Kölner Stadt-Anzeiger թերթի լրագրող Յուրգեն Թոդենհոֆերին ասել է աղբյուրը: Գրոհայինի խոսքով՝ ԱՄՆ հետ համագործակցությունն, ի դեպ, չի կառուցվում այնպես, «ինչպես «ան-Նուսրան» կցանկանար»:
Focus-ը նշել է, որ հարցազրույցը կայացել է 10 օր առաջ: Այդ ժամանակ ահաբեկչական կազմակերպության հրամանատարը հայտարարել էր, որ ՄԱԿ շարասյանը, որը հետո օդային հարձակման է ենթարկվել, չեն թույլ տա Հալեպ մտնել, եթե Սիրիայի զորքերը չնահանջեն:
Թոդենհոֆերի զրուցակիցը նաեւ հայտարարել էր, որ գրոհայինները փոխզիջումների պատրաստ չեն եւ կմարտնչեն «մինչեւ ռեժիմի տապալումը»:
