Շուրջ մեկ շաբաթ առաջ 10-ամյա աղջնակին վրաերթի ենթարկած վարորդը հայտնաբերվել է։
Այս առնչությամբ, ոստիկանության տարածած հաղորդագրության մեջ ասվում է.
«Ինչպես տեղեկացրել էինք՝ սեպտեմբերի 18-ին, ժամը 13.45-ին, հիվանդանոցից ոստիկանությունում հաղորդում էր ստացվել, որ բուժօգնության է տեղափոխվել 10-ամյա աղջիկ եւ հայտնել, որ Երեւանի Սասունցի Դավթի փողոցի թիվ 6 դպրոցի անցումների մոտ անհայտ ավտոմեքենայի կողմից վրաերթի է ենթարկվել:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ՝ սեպտեմբերի 24-ին, ժամը 13.30-ին, կայարանամերձ հրապարակից բերման է ենթարկվել 38-ամյա Արամ Հ.-ն: Նա խոստովանել է, որ սեպտեմբերի 18-ին, ժամը 13.40-ին, Ս. Դավթի փողոցում իր վարած «Օպել Աստրա Ջի» մակնիշի ավտոմեքենայով ինքն է վրաերթի ենթարկել երեխային:
Քննությունը շարունակվում է»։