Արաբական Միացյալ Էմիրությունները համաձայնել են աջակցել նավթի արդյունահանման գլոբալ սառեցմանը, հայտնում է Reuters-ը: Ըստ աղբյուրների տեղեկությունների՝ Սաուդյան Արաբիան նույնպես առաջարկել է կրճատել նավթի արդյունահանումը այն պայմանով, որ Իրանը կսառեցնի էներգակրի մակարդակը ներկայիս ցուցանիշների վրա:
Ալժիրում ՕՊԵԿ անդամ երկրների հանդիպումից առաջ նավթի գները մի փոքր աճել են. մասնավորապես Brent տեսակի նավթի մեկ բարելը թանկացել է 60 ցենտով եւ հասել 46.49 դոլարի: Վերլուծաբանները պնդում են, որ գների մասնակի աճը պայմանավորված է Ալժիրի էներգետիկայի նախարար Նուրեդդին Բուտարֆայի հայտարարությամբ, որն ասել էր, թե կազմակերպության անդամները սեպտեմբերի 28-ին բանակցություններից չեն հեռանա դատարկ ձեռքերով:
Նավթի գները շուկայի գերհագեցվածության պատճառով կրկնակի նվազել են 2014-ի հետ համեմատած: Դրանից հետո ՕՊԵԿ անդամները ստիպված էին հրատապ վերականգնել շուկայի հավասարակշռությունը: