Եվրամիությունն անվավեր է ճանաչել Բոսնիա եւ Հերցեգովինայի կազմում գտնվող Սերբական Հանրապետությունում հանրաքվեն, որը կազմակերպվել էր հունվարի 9-ը որպես ազգային տոն նշելու հարցով: Բնակչության կամարտահայտման ժամանակ քվեարկողների գրեթե 100 տոկոսը կողմ է արտահայտվել Բոսնիա եւ Հերցեգովինայի իշխանությունների կողմից արգելված սեպտեմբերի 25-ը որպես տոն պահպանելուն: Բրյուսելում երկրի ղեկավարությանը կոչ են արել խուսափել լարվածության սրումից, փոխանցում է DW-ն:
«Նախօրեին կայացած հանրաքվեն օրինական հիմքեր չունի, քանի որ Բոսնիայի եւ Հերցեգովինայի սահմանադրական դատարանը կասեցրել է հանրաքվե անցկացնելու որոշումը, մինչեւ դրա օրինականության մասին դատարանի որոշումը»,- ասել է ԵՄ արտաքին եւ անվտանգության քաղաքականության հարցերով բարձրագույն ներկայացուցիչ Ֆեդերիկա Մոգերինիի գերատեսչության աշխատակից Մայա Կոսյանչիչը:
Ավելի վաղ Բոսնիայի դատարանը սահմանել էր, որ Սերբական Հանրապետությունը պետք է տեղափոխի ազգային տոնը, քանի որ այն համընկնում է մեկ այլ օրվա՝ 1992-ի հանրաքվեի անցկացման օրվա հետ: